Undergraduate research through te reo Māori
E kīa ana, he wāhi rangahau te whare wānanga, engari, kāore e waiho ana anake taua mahi mā ngā ahorangi, mā ngā pūkenga, mā ngā ākonga paerunga rānei. Uru ai hoki ngā ākonga paeraro ki roto i ēnei momo mahi. I tēnei hēmeta e toru ngā mahi rangahau i mahi ai ā mātou tauira reo Māori o te Whare Wānanga o Ōtākou.
I mahia ngātahitia te “Kāinga Waewae” e ngā tauira o ngā karaehe reo, arā, he rōpū nō ngā tāngata o MAOR112 Te Kākano, te MAOR212 Te Pihinga, me te MAOR312 Te Māhuri. I tēnei tau ka rangahaua ngā mahi a ngā tini tari o te Kete Aronui (Humanities). He momo whakaaturanga tā tēnā rōpū, tā tēnā rōpū mō te tari i rangahau ai rātou.
Ko Haeata rātou ko Dane ko Rodney e waiata ana mō te Tari Whakamātau Hinekaro (Psychology)
Ko tēnei te tau tuatahi i tū ai te pepa MAOR206/306 Ngā Pūkenga Tuhi, arā he kōhi hei whakapakari i ngā pūkenga, i ngā āheitanga e pā ana ki ngā momo tuhituhinga. Tokowhā ngā kaimahi o Te Tumu i whakaako i te pepa nei. Ko te tuhituhi ā-whare wānanga tētahi o ngā kaupapa, kia reri ai ngā tauira mehemea ka tahuri rātou ki te tuhi i ā rātou rangahau o ngā tohu paerunga i roto i te reo Māori. Mō tēnei pepa, ka hangaia e rātou he pānuitanga ānō nei kei tētahi hui rangahau rātou.
Ka riro i a Lyric Bird (taha mauī) te paraihe mō te pai o te whakapaipai o tāna pānuitanga e pā ana ki te tāmoko; ka whiwhi a Orini Herewini-Macdougall (taha matau) ki te paraihe mō te pai o te rangahau, mō te hunga “ahi matao”, arā, mō te hunga kāore e uru ana ki ngā mahi a ō rātou marae.
I tēnei wiki hoki ka tū te konohete a ngā tauira o MAOR308 Ngā Hākinakina a te Māori, ko Kelly Ann Tahitahi te kaiako, ā, ko Karyn Paringātai te kaiwhakahaere. Nā ngā tauira ngā waiata i rangahau, i tito, i whakarite; ko te “Reaka Z” te kaupapa, arā, ko te whakatipuranga e ako ana ki te whare wānanga ināianei. Tokomaha ngā tāngata i tae mai ki te mātakitaki, ki te whakarongo ki ngā waiata mō ngā āhuatanga o te ao hurihuri o tēnei wā.
Ko ngā tauira o MAOR308 (Ngā Hākinakina a te Māori) e waiata ana.
Exciting Opportunity for PACI student.
We are happy to announce a major success for Eden Iati of the PACI201 class (Tagata Pasifika: Peoples of Oceania).
Eden has been selected by the McGuiness Foundation to participate in a 72 hour workshop in Wellington in December on TacklingPovertyNZ: Exploring ways to reduce poverty in New Zealand.
The course will bring together 30 young New Zealanders who will work together to prepare a youth perspective on poverty in Aotearoa New Zealand, and how to tackle it. Those selected will be engaging with government ministers, Treasury, Auckland City Mission, Economic think tanks and many others.
PACI201, a paper within Te Tumu’s Pacific Islands Studies major, proved to be an excellent support to Eden as it examines issues such as poverty, inequality, urbanisation and land in a Pacific context.
Well done Eden!
Māori-language research in Teaching
It is always good when students can use their skills and research to produce a resource to benefit the university. MAOR427 “He Tuhituhinga” is a 400-level Māori history paper that looks at historical Māori-language texts. All the work and discussion is conducted in the Māori language. This year one of their assignments was the translation of a text, selected by Jeanette Wikaira, Kaituhituhi Ratonga Māori at the Hocken Library, was an account by Hauāuru Taipari of Ngāti Maru about a visit to Ngāti Awa and Whakatōhea in 1864. The students divided the text up, and transcribed and translated it. This was then given back to the Hocken Library as an accompanying resource to the original text.
He wāhanga nō te tuhinga a Hauāuru Taipari.
Fragment of the text by Hauāuru Taipari.
He mea tino pai kia whakamahia e ngā ākonga ō rātou pūmanawa me tā rātou rangahau hei whakaputa mai i te rauemi, hei painga mō te whare wānanga. He pepa hītori, he pepa tau-tuawhā te pepa MAOR427 “He Tuhituhinga” e āta tirohia nei ētahi tuhinga reo-Māori o neherā. E mahia ana ngā mahi katoa i roto i te reo Māori. He mahi whakapākehā tētahi o ngā aromatawai. Nō te tau nei, ka whiriwhiria e Jeanette Wikaira, e te Kaituhituhi Ratonga Māori o te Uare Hākena te tuhinga nei, nā Hauāuru Taipari o Ngāti Maru i tuhi mō tāna haere ki a Ngāti Awa rāua ko Whakatōhea i te tau 1864. Wehewehea ana te tuhinga e ngā ākonga, tuhia ana ngā kupu Māori ki te rorohiko, whakapākehātia ana. Kātahi ēnei ka tukuna atu ki te Uare Hākena hei tākoha, hei rauemi hoki i te taha o ngā kupu ake a te kaituhi.
